Iturria: Gara.net
Por encima de porcentajes, la sensación en numerosas empresas vascas es que la huelga general del martes tuvo un resultado positivo por haber activado la movilización, incluso en aquéllas que venían acumulando varias jornadas de huelga de carácter sectorial.
01/07/2010 8:38:00
Greba orokorraren eragina oso handia izan da sarean ere. Baina, batez ere jendearen parte-hartzea inoizko handiena izan da, era honetako ekimen batean.
Zorionak arrakasta hau posible egin zenuten guztioi
BESTE BIDEO BATZUK
iturria: ARGIA.com
Atzoko greba deialdiaren jarraipena «ia %100» izan zela esan dute mobilizazio eguna antolatu duten sindikatuek
Erik Gartzia/Oarsoaldeko Hitza
Atzo Hego Euskal Herrian greba orokorra egiteko deialdia egin zuten euskal gehiengo sindikaleko kideek: ELAk, LABek, ESK-k, Hiruk, EILASek eta EHNEk. Geroago beste hainbat sindikatuk ere bat egin zuten deialdi horrekin, tartetan Euskadiko CCOOk edo CGTk, besteak beste.
Horrela, greba «arrakastatsua» izan zela esan dute eskualdeko ELAko eta LABeko kideek. Izan ere, eskualdeko lau udalerrietako herriguneetan ez zen jarduerarik ikusi atzo. Herriguneetatik at, industrialdeetan ere jarduerarik apenas ikusi. Jarraian, ELAk eta LABek emandako datuak.
Errenteria-Orereta
Udaleko langile gehienek egin zuten greba, nahiz eta batzuk lanera joan ziren. Anbulatorioetan zein garraioan (Renfe, Herribus eta Euskotren) gutxieneko zerbitzuak egin zituzten.
Industriagune guztietan, berriz, grebak «jarraipen handia» izan zuela esan dute sindikatuek. Hala, Papresan langile askok jarraitu zuten greba. Beissier-en, ordea, «langileen erdiak edo» egin zuen greba. Merkataritzari dagokionez, herriguneko ia denda guztiek itxi dute, eta Niessen merkatalgunea itxita egon zen.
Pasaia
Antxoko, Trintxerpeko, Donibaneko eta San Pedroko denda ia guztiek ere itxi zuten atzo. Errenteria-Oreretan bezala, garraioetan eta anbulatorioan zerbitzu minimoak egin zituzten. Udalean, ordea, erabatekoa izan zen lanuztea.
Pasaiako portuan ere ia erabatekoa izan zen grebaren eragina, zamaketariek eta kamioilariek, besteak beste, grebarekin bat egin zutelako. Horrez gain, Navalaldean zein La Herreran ez zen ia industria jarduerarik egon.
Bestalde, San Pedroko jaietan atzo goizean ez zuten ekitaldirik egin. Izan ere, barrutiko Jai Batzordeak grebarekin bat egitea deliberatu zuen. Horrela, egitarauan bi aldaketa egin zituzten. Batetik, Haurren Inude eta Artzainen desfilea atzo egin beharrean herenegun arratsaldean egin zuten. Bestetik, Txikien Eskupilota Txapelketa atzo arratsaldera aldatu zuten.
Oiartzun
Oiartzunen ere eragin handia izan zuen atzoko grebak. Horrela, Pasaian bezalaxe, Udalean erabatekoa izan zen lanuztea. Horrez gain, garraioan eta anbulatorioan ere gutxieneko zerbitzuak eskaini zituzten.
Herriguneko zein auzoetako dendek euren ateak itxi zituzten atzo. Carrefour ez zuten zabaldu, eta Alcampo tarteka egon zen zabalik. Mamut merkatalguneko denda ia guztiek itxi zuten. Handik ez oso urrun, Niessen enpresa erabat itxi zuten. Izan ere, ELAren eta LABen arabera, lanuztea ia erabatekoa izan zen industrian.
Lezo
Sindikatuen datuen arabera, Lezoko Udalean ere erabatekoa izan zen grebaren eragina. Gutxieneko zerbitzuak ere eskaini zituzten Renfek eta Herribusek, baita anbulatorioak ere. Industriari dagokionez, ia erabatekoa izan zen, merkataritzan bezala.
«Patronalaren derrigortzea» salatu dute
Greba deialdia egin zuten sindikatuetako bik, ELAk eta LABek, grebaren gaineko balorazio positiboa egin zuten atzo. Horrela, Igor San Jose eskualdeko ELAko kideak esan zuenez, Oarsoaldean «ia erabatekoa» izan zen grebaren eragina. Horrela, grebaren jarraipena «ia %100» izan zela esan zuen San Josek. Atzo goizean lantegiz lantegi joan ziren bi informazio pikete, eta Ertzaintza izan zuten etenik gabe atzean, «baina ez zen inolako arazorik egon», azaldu zuen San Josek. Goiza eskualdeko lantegi inguruetatik pasatu zuten eta eguerdian Donostiako kaleetan egin zuten manifestaziora joan ziren pikete horietako kide asko, beste hainbat herritar bezala.
Bestalde, LABeko kide Zorion Ortigosak esan zuen «iazko greba orokorrak baino erantzun hobea» izan zuela atzokoak. Bestalde, «patronalaren derrigortzea» salatu zuen Ortigosak. «Komunikabideetan esaten da piketeek greba egitera derrigortzen dutela, baina patronalak ere derrigortzen du grebarik ez egitera. Eskualdean bertan, hainbat enpresetako langileek presioak jaso dituzte grebarik ez egiteko. Ezkutuan dagoen errealitatea da», esan LABeko kideak.
Etorkizunean greba gehiago egin beharko direla esan du Ortigosak: «Atzokoa lan erreformari aurre egiteko greba izan zen, baina badakigu erreforma berriak egiteko prestatzen ari direla eta bide honetatik jarraitu beharko dugu. Garai gogorrak datoz».
Arratsean, manifestazioa
Eskualdean atzo izan zen mobilizaziorik jendetsuena arratsaldeko 18:30ean Errenteria-Oreretako Gamon Zumarditik hasi zena izan den. Greba deitzaileek manifestazioa egin zuten, eta bertan ehunka herritar bildu ziren.
Gamon Zumardian hasi eta bukatu zen manifestazioa, Gure eskubideak defendatzeko lelopean. Bertan, pankarta nagusiaz gain, AHTren aurkakoak eta ezker abertzalekoak ere ikus zitezkeen, baita bandera beltz eta gorriak ere, besteak beste. Bukaeran lan erreformaren aurkako hitzak izan zituzten sindikatuetako ordezkariek. Internazionala eta Eusko Gudariak abestuz bukatu zuten ekitaldia.
Goizean goizetik greba nabaritu da, ez da egon autobusik ezta Larreineta eta Trapagaran lotzen dituen funikularrik ere. Autobus geltokietan lanera zihoan jende gutxi egon da. Egunsentiarekin batera hasi dira piketeak poligonoetan. lantokietan grebak jarraipen zabala izan du.
Goizeko zortziak aldean Aurrera industrialdean % 60 inguru zegoen itxita. Ugarteko Trapaga elkartegian 16 enpresatik 9k bat egin dute grebarekin. Eta Granada poligonoan oraindik gehiago, kotxerik ez eta bakarrik 11 enpresa zeuden irekita. Enpresa handien daturik ez dugu eta sindikatuen zain gaude, Nervacero, ABB-trafo edo Babckok Wilcox-en jarraipena nolakoa izan den jakiteko.
Irakaskuntzan, osasungintzan eta polikiroldegian ez du izan jarraipen handirik grebak, liburutegia, ordea, itxita egon da.
Herrian merkatariek bi orduko geldialdia egin dute grebarekin lotzeko. Azken urteotako lanuzterik handiena izan da, duda izpirik gabe. Ia denda guztiak itxita eta taberna asko, % 70-80k artean itxi da. Bide bat irekitzen da elkarrekin lan egiteko, kapitalismoaren aurka, eskubide soziolaboralen alde, jusitzian oinarritutako beste mundu baten alde.
ARGAZKIAK: Hemen
Garibain ertzaintzak eragotzi egin die une batez manifestariei aurrera egiten; sindikatuetako ordezkariekin egon ostean aurrera egin dute.
18:30ean elkartu dira herritarrak Arrasateko Seber Altube plazan, gehiengo sindikalak deituta, grebaren aldeko manifestaziora. “Inposaketarik ez, gure eskubideak defenda ditzagun” lelopean egin dute kale agerraldia. Manifestazioa hasi eta minutu gutxira Ertzaintzak eragotzi egin die aurrera jarraitzea; pankarta zeramaten sindikatuetako ordezkariekin berba egin ostean, baina, aurrera egin du manifestazioak.
Hainbat sindikatutako eta Udaletako ordezkarik bat egin dute, herritarrekin batera, Arrasateko kale agerraldian. No falta dinero, sobran ladrones esaldia izan da manifestariek gehien errepikatu dutena. Seber Altubetik Uarkaperako bidea hartu dute, eta Garibain Ertzaintzak bidea moztu die. Pankarta zeramaten sindikatuetako ordezkariekin berba egin ostean, normaltasunez jarraitu du manifestazioak, San Andres aldera.
Goizean Donostiako manifestazioan egon ostean, arratsaldean Arrasaten izan dira greba deitu duten sindikatuetako ordezkariak. “Guretako oso positiboa izan da ibarrean greba deialdiak izan duen erantzuna. Oso enpresa gutxik jarraitu dute lanean, Mondragon taldeko enpresak alde batera uzten baditugu, guk lotura sindikalak ditugun enpresatan hiru lantegitan baino ez dute lan egin, behin botazioa egin ostean. Eta, horri kalean izan dugun erantzuna gehitzen badiogu, ELAtik oso emaitza onak direla uste dugu”.
LABeko Jose Ramon kortabarriak ez ditu ADEGIk edo Eusko Jaurlaritzak eman dituen datuak zenbatekotan alderatu nahi izan: “Ez dugu balorazioa modu horretan egingo, orain momentuan egin dezakedan lehen balorazioa oso positiboa da. Guk ikusi duguna da deialdi honek oso erantzun zabala izan duela, sektore ezberdinetan gainera, eta guretako hori da garrantzitsuena”.
Bestelako balorazioak egin dituzte Gipuzkoako enpresarien elkarteak, eta Eusko Jaurlaritzak. ADEGIren esanetan Gipuzkoan langileen %75a lanera joan da, eta deialdi hau erabateko porrota izan dela garineratu du ADEGIK. Eusko Jaurlaritzak egindako balorazioaren arabera, administrazioan %8ak egin du gaur greba, eta sektore pribatuan %30ak. Sindikatuek, berriz, Gipuzkoan grebak %75eko jarraipena izan duela adierazi dute.
Herrizaingo sailaren arabera EAEn gaurko deitutako grebak aurrera dirau oso gertakari gutxirekin. Debagoienean, baina, lau pertsona inputatu ditu ertzainak. Bergaran bat, 10:00etan, Ertzaintzaren esanetan banketxe bat indarrez itxi nahi izateagatik. Eta, ordu erdi geroago, 10:30ean, beste hiru pertsona Arrasaten, lantegi bat indarrez itxi nahi izatearren egotzi dituzte.
Grebak Debagoienean izan duen erantzunaren datuak.
ITURRIA: Goiena.net – “Inposaketarik ez, gure eskubideak defenda ditzagun” lelopean egin dute manifestazioa Arrasaten
Hauxe da Udalek, lantegiek, hezkuntza eta osasun zerbitzuek gaurko greba deialdiari eman dioten erantzuna. Horrekin batera, Herrizango Sailetik adierazi dute normaltasunez joan dela goiza. Bestalde, Goiena komunikazio zerbitzuak taldeko langileek bat egin dute hainbat sindikatuk gaurko deitu duten greba deialdiarekin; hala, gaur greba deialdiaren jarraipena baino ez du egingo Goienak.
Langile bakoitzak erabakiko du bihar lanera joan ala ez ibarreko anbulatorioetan; eta bihar bertan lanera agertzen diren langile kopuruaren arabera, zerbitzu minimoak eskainiko dira.
Eskoriatzako anbulatorioa: festetan daudenez, jai dute. Baina ez grebagatik.
ITURRIA: Goiena.net – Grebak izandako erantzuna Debagoienean
Gaurko Greba Orokorraren eguna ezin hobeto doala eta zorionak emanez hasi dute ekitaldia. Hala ere, hau borroka luze baten hasiera baino ez dela eta oraindik lan asko dagoela egiteko argi utzi nahi izan dute.
Egungo krisi egoeraren erantzuletzat, botere politikoa ekonomiko finantzarioaren menpe egotea eta komunikabideen intoxikazioa jo dituzte. Krisiaren konponbide bezala, sortu dutenei dirulaguntzak ematea aurkeztu nahi luketen horiek hain justu. Aurrekontuak murriztearekin eta eta zerga sistema interes batzuen araberakoa izatearekin, lan eskubdieak eta gizarte-babesa murriztuz langileriari bizkarra eman zaiola jakinarazi dute gainera.
Kapitalisten helburua, krisia aitzakiatzat hartuta kapitalaren indar erlazioa sendoagotzea dela esan dute, horretarako herritarrei lanpostuak lapurtu behar bazaizkie ere.
Komunikabideen laguntzarekin, xenofobia elikatzen dihardutela salatu da arratsaldeko ekitaldian. Arrazakerian oinarritutako neurri politikoak ezarriz, krisi egoeraren erruduntzat jotzen direlako. Etorkinez gain, beste sektore kaltetua, emakumeena dela baieztatu dute. Estatuak bere arduragabekeria dela medio betetzen ez dituen lan produktiboak zein erreproduktiboak euren gain hartzera behartuak daudela-eta.
Amaitzeko, berriro ere, lan-erreforma onartu izana salatu dute. Kaleratzeak erraztu eta merketu egingo dituela esan eta beronen aurrean, politika publikoak goitik behera aldatu behar direla adierazi dute. Alternatiba eraikitzera bidean, lan egin beharra dagoela azpimarratuz.
Argazkiak ikusteko klikatu hemen.
Oharra:
Asko izan dira Burlatan ere greba orokorrarekin bat egin eta gaur ateak itxi dituzten komertzio eta lantegiak; datuen arabera, %60-70 inguruko jarraipena izan du grebak. Gainera, denda txikiez gain, Eroski supermerkatuak ere itxita egon dira egunean zehar eta bankuak “lapurrak” deitzen zieten pintadez esnatu dira goiz goizetik. Zerbitzu publikoetan ere nabaritu da grebaren eragina ohikoa baino zerbitzu urriagoak eskainiz.
Honez gain, 200 lagun inguruko manifestazio batek zeharkatu ditu Burlatako kaleak, udaletxea aurretik hasi eta Atarrabiarekin duen kruzera iritsi arte. Bertan, Atarrabiati zetorren jendetzarekin bat egin eta elkarrekin egin dute Txantrea eta Iruñeara arteko bidea. Bestalde, goiz goizetik nabaria izan da pikete informatiboen presentzia herrian; sarri polizia nazionalak eragotzi badie ere euren lana burutzea.
